مقبوضہ کشمیر میں بجلی کی طویل لوڈ شیڈنگ، عوام بجلی جیسی بنیادی سہولت سے محروم

سری نگر/مقبوضہ کشمیر(پی پی آئی) مقبوضہ کشمیر میں بجلی کی طویل لوڈ شیڈنگ پر عوامی حلقوں نے سخت تشویش کا اظہار کرتے ہوئے کہا ہے کہ کشمیری عوام آج بھی بجلی جیسی بنیادی سہولت سے محروم ہیں، قابض انتظامیہ کشمیریوں کو فوری بجلی کی بلا تعطل فراہمی کو یقینی بنائے کیونکہ مقبوضہ کشمیر کے آبی وسائل سے پیداہونیوالی بجلی پر پہلا حق کشمیریوں کا ہے،  عوامی حلقوں  کا کہنا  ہے کہ اگرچہ کشمیریوں کو کئی دہائیوں سے بجلی کے بحران کا سامنا ہے تاہم موجودہ سنگین صورتحال پہلے کبھی نہیں دیکھی گئی۔ پوری وادی کے کشمیری عوام  بجلی کی طویل لوڈشیڈنگ سے عاجز آچکے ہیں اور اندھیروں میں زندگی گزار نے پر مجبور ہیں۔