سہراب گوٹھ کیلئے ترقیاتی منصوبے متعارف کروائینگے: لالا عبدالرحیم

کراچی(پی پی آئی)پیپلزپارٹی سہراب گوٹھ ٹاون کے چیئرمین لالا عبدالرحیم نے کہا ہے کہ سہراب گوٹھ ٹاون کے عوامی مسائل کا حل ہماری اولین ترجیح ہے،پی پی آئی کے مطابق  لالا عبدالرحیم نے اپنے دفتر میں ایک وفد سے ملاقات کرتے ہوئے کہا کہ ماضی میں سہراب گوٹھ میں اسٹریٹ کرائم کی بگڑتی صورتحال سے متعلق کمشنر اور دیگر متعلقہ حکام سے رجوع کیا تھا جس کے بعد اسٹریٹ کرائمز کی وارداتوں میں کمی آئی ہے، سہراب گوٹھ میں سرکاری ڈسپنسری کے قیام کیلئے بھی اعلیٰ حکام کو درخواست دی جاچکی ہے، ہم چاہتے ہیں کہ اس علاقے کے بچے مفت اور معیاری تعلیم سے آراستہ ہوں،ہمارا وعدہ ہے کہ سہراب گوٹھ کی ترقی کیلئے مزید منصوبے بھی متعارف کروائے جائیں گے۔