کراچی میں رینجرز،پولیس کی مشترکہ کارروائی،2لیاری گینگ وار ملزمان گرفتار

کراچی(پی پی آئی) پاکستان رینجرزسندھ اورپولیس نے لیاری میں مشترکہ کارروائی کرتے ہوئے 2انتہائی مطلوب ملزمان گرفتار کرلیے۔ترجمان کے مطابق ملزمان کا تعلق لیاری گینگ وار کمانڈر وصی اللہ لاکھو گروپ سے ہے، پی پی آئی کے مطابق ملزمان میں عبدالمبین اور زین العابدین عرف زین شامل ہیں، ملزمان سے اسلحہ وایمونیشن اورموٹرسائیکل برآمد کیے گئے ہیں۔ترجمان کا بتانا ہے کہ ملزمان 2023سے لیاری گینگ وار (وصی اللہ لاکھو گر وپ) میں شامل ہوئے، ملزمان وصی اللہ لاکھو کیکہنے پر شہرکے مختلف علاقوں میں تاجروں کو بھتے کی پر چیاں اور دھمکی آمیز پیغامات دینے میں ملوث ہیں، ملزمان ڈکیتی اور سٹریٹ کرائم کی متعدد وارداتوں اور اسلحہ کی خرید وفروخت میں بھی ملوث ہیں۔گرفتارملزمان کو بمعہ اسلحہ وایمونیشن مزید قانونی کارروائی کے لیے پولیس کے حوالے کر دیا گیا۔