ووہان:عالمی نمبر ایک ٹینس اسٹار سریان ولیمز کو ووہان اوپن ٹینس کے دوسرے مرحلے میںفرنچ اسٹارعلیزے کورنیٹ نے شکست دے دی۔ سرینا ولیمز نے دو ہفتے قبل یو ایس اوپن میں کامیابی حاصل کی تھی تاہم چین کے شہر ووہان میں ہونے والے ٹورنامنٹ میں دوسرے مرحلے کے میچ میں پہلے سیٹ میں 6-5کی برتری حاصل کرنے کے باوجود فٹنس مسائل کے باعث میچ سے ریٹائرہونے کا اعلان کیا۔فرنچ ٹینس اسٹار علیزے کورنیٹ نے اسے قبل رواں سال فروری میں سرینا ولیمز کو شکست سے دوچار کردیا تھا۔دیگر میچوں میں امریکی الیسن ریسکے نے اطالوی کھلاڑی سارا ارانی کو4-6اور4-6سے ،امریکا کی ہی ایکترینا مارکوروا نے سوئٹزرلینڈ کی ٹیمیا باسنزکی کو4-6اور1-6سے جبکہ 8سیڈڈ کیرولین ووزنیکی نے اسپین کی کارٹا سواریز کو 1-6،6-3اور6-7سے شکست دے دی۔
