پنجاب کسان کارڈکی فی ایکڑ ایک ہزار روپے پروسیسنگ فیس

لاہور(پی پی آئی)پنجاب حکومت نے کسان کارڈ منصوبے کا اعلان کیا ہے۔پی پی آئی کے مطابق کسان کارڈ پر کاشتکاروں کو بیج اور کھادوں کی خریداری کے لیے ڈیڑھ لاکھ روپے تک فی سیزن بلاسود قرض دیا جائے گا۔ ابتدائی طور پر 5 لاکھ کسانوں کو  پہلے آؤ پہلے پاؤ  کے تحت کارڈ جاری ہوں گے۔بینک آف پنجاب کے ذریعے کسانوں کو کارڈز فراہم کیے جائیں گے۔ جس کے لیے کسانوں کو فی ایکڑ ایک ہزار روپے پروسیسنگ فیس ادا کرنا ہو گی۔ بینک آف پنجاب کسانوں کی آن لائن رجسٹریشن کرے گا۔بیج اور کھادوں کے ڈیلرز کو بھی بینک آف پنجاب رجسٹرڈ کرے گا۔ قرض کی ادائیگی کرنے والے کسان ہی اگلے برس دوبارہ قرض لینے کے اہل ہوں گے۔ بینک آف پنجاب نے 10 ہزار ڈیلرز کی رجسٹریشن بھی کر لی ہے۔

Latest from Blog