پاکستانی کوہ پیما سربازعلی نے ماؤنٹ ایورسٹ بغیرآکسیجن سرکرلی

اسلام آباد(پی پی آئی)پاکستانی کوہ پیما سربازعلی خان نے ایک اور اعزاز اپنے نام کرلیا، سرباز نے بغیر مصنوعی آکسیجن دنیا کی بلند ترین چوٹی ماؤنٹ ایورسٹ سرکرلی۔سرباز علی خان بغیر مصنوعی آکسیجن ماؤنٹ ایوریسٹ سر کرنے والے دوسرے پاکستانی بن گئے ہیں، اس سے قبل ساجد سدپارہ یہ کارنامہ انجام دے چکے ہیں۔پی پی آئی کے مطابق گلگت بلتستان سے تعلق رکھنے والے  سرباز علی 8 ہزار میٹر سے بلند 14 میں سے 11 چوٹیاں بغیر مصنوعی آکسیجن  کے سر کر چکے ہیں۔ قبل ازیں سرباز خان نے 8 ہزار میٹر سے بلند 13چوٹیاں سر کرنے والے پہلے پاکستانی بننے کا اعزاز اپنے نام کیا تھا۔

Latest from Blog