ہیٹ ویو کے باعث میدانی علاقوں میں گرمی مزید بڑھنے کی پیشگوئی

کراچی(پی پی آئی)محکمہ موسمیات نے ہیٹ ویو کے باعث میدانی علاقوں میں گرمی کی شدت میں مزید بڑھنے کی پیش گوئی کردی۔ ماہرین موسمیات نے خبردار کیا کہ اگلے دو روز درجہ حرات 46 ڈگری تک اور پھر 23 سے 27 مئی تک سندھ اور پنجاب کے کچھ علاقوں میں 48 سے 50 ڈگری سینیٹی گریڈ تک جا سکتا ہے۔پی پی آئی کے مطابق ان کا کہنا تھا کہ معمول سے 6 ڈگری زائد درجہ حرارت ہیٹ ویو میں آتا ہے۔اس دوران دوپہر بارہ سے تین بجے تک دھوپ میں نہ نکلیں،زیادہ مصالحے دار کھانوں اور گرم مشروبات سے پرہیزکریں۔