معروف سینئر اداکار طلعت حسین انتقال کرگئے

ٹھل(پی پی آئی)پاکستان کے معروف سینئر اداکار طلعت حسین انتقال کرگئے۔ صدر کراچی آرٹس کونسل احمد شاہ نے بتایا کہ طلعت حسین کافی عرصے سے نجی ہسپتال میں زیر علاج تھے، طلعت حسین کی صاحبزادی نے والد کے انتقال کی تصدیق کی ہے۔ پاکستانی ڈراموں میں بہترین اداکاری کے جوہر دکھانے والے طلعت حسین بھارتی شہر دہلی میں 1940 میں پیدا ہوئے تھے، صدر آرٹس کونسل احمد شاہ کے مطابق اداکار کی بیٹی کی جانب سے فون کال کے ذریعے والد کے انتقال کی خبر دی گئی تھی۔احمد شاہ کا اداکار کی وفات پر کہنا تھا کہ طلعت حسین کا انتقال بڑا نقصان ہے۔ پاکستان شوبز انڈسٹری سے وابستہ افراد نے سینئر اداکار کی وفات پر دکھ اور افسوس کا اظہار کیا ہے  اداکارہ بشریٰ انصاری نے بھی انسٹاگرام پر اداکار کے انتقال کی خبر شیئر کی اور گہرے دکھ کا اظہار کیا۔