بجلی کی طلب میں 5 ہزار میگاواٹ کمی کے باوجود بجلی کا شارٹ فال برقرار

اسلام آباد(پی پی آئی)ملک بھر میں بجلی کی طلب میں گزشتہ سال کے مقابلے رواں برس 5 ہزار میگاواٹ کی کمی کے باوجود بجلی کا شارٹ فال برقرار ہے اورلوڈشیڈنگ نے شہریوں کو پریشانی میں مبتلا کر رکھا ہے۔پی پی آئی کے مطابق گزشتہ برس ان دنوں بجلی کی طلب 28 ہزار میگا واٹ تک تھی جبکہ اس سال مئی میں طلب کم ہوکر 23 ہزار میگاواٹ پر پہنچ چکی ہے، پاور ڈویژن کے مطابق بجلی کی طلب 23 ہزار میگاواٹ ہے جبکہ صرف 18 میگاواٹ بجلی دستیاب ہے۔پی پی آئی کے مطابق طلب میں کمی کے باوجود بھی 4 ہزار میگاواٹ بجلی کا شارٹ فال برقرار ہے جس کی وجہ سے ملک بھر میں لوڈشیڈنگ کا جن بے قابو ہے۔

Latest from Blog