پیٹرول،ڈیزل ایک بار پھر سستا،یکم جون سے 8روپے تک کمی متوقع

کراچی(پی پی آئی)یکم جون کو تیل کی قیمتیں 6 روپے 50 پیسے سے 7 روپے 50 پیسے تک کم کئے جانے کا امکان ہے۔ گزشتہ 15 دنوں کے دوران عالمی مارکیٹ میں پیٹرول اور ڈیزل کی قیمت بالترتیب 3.25 ڈالر اور 2.10 ڈالر فی بیرل کم ہوئی ہے، جبکہ اس سے پچھلے 15 دنوں میں 8.7 ڈالر اور 4.3 ڈالر فی بیرل کی تنزلی ہوئی تھی۔ پی پی آئی کے مطابق اندرون ملک تیل کی ترسیل اور حساب کتاب کے بعد اندازہ لگایا جارہا ہے کہ پیٹرول کی قیمت میں 7 روپے 25 پیسے اور ڈیزل کی قیمت میں 6 روپے 25 پیسے کی کمی کی جاسکتی ہے،  یاد رہے کہ 16 مئی کو بھی پٹرولیم مصنوعات کی قیمتوں میں کمی کی گئی تھی جس سے عوام کو واضح ریلیف ملا تھا۔

Latest from Blog