پاکستان اور سینٹ لوشیا کے درمیان سفارتی تعلقات قائم

اسلام آباد/نیو یارک(پی پی آئی) پاکستان اور سینٹ لوشیا کے درمیان باضابطہ طور پر سفارتی تعلقات قائم ہو گئے۔  پاکستان اور کیریبین جزیرے کے ملک سینٹ لوشیا نے بدھ کو باقاعدہ طور سفارتی تعلقات کا آغازکر دیا،پی پی آئی کے مطابق  سفارتی تعلقات کا باقاعدہ آغاز نیو یارک میں منعقدہ ایک سادہ تقریب میں کیا گیا، تقریب میں پاکستان کی نمائندگی اقوام متحدہ میں پاکستان کے مستقل مندوب منیر اکرم نے کی، سینٹ لوشیا سے ان کی اقوام متحدہ میں مستقل نمائندہ مینیسا ریمبلی نے اپنے ملک کی نمائندگی کی، منیر اکرم اور مینیسا ریمبلی نے اپنے اپنے ممالک کی جانب سے مشترکہ اعلامیہ پر دستخط کیے ویسٹ انڈیز کے سابق کرکٹر ڈیرن سیمی, جن کا تعلق سینٹ لوشیا سے ہے، ایک اعزازی پاکستانی شہری بھی تھے۔

Latest from Blog