رواں سال حج کے دوران زیادہ گرمی کی پیش گوئی

ریاض(پی پی آئی) سعودی حکومت نے کہا ہے کہ رواں سال حج کے دوران اوسط درجہ حرارت 44 ڈگری سینٹی گریڈ تک رہنے کی توقع کی جارہی ہے، گزشتہ سال بھی ہیٹ اسٹروک کے ہزاروں کیسز سامنے آئے تھے۔ایک رپورٹ کے مطابق سعودی عرب میں موسمیات کے قومی مرکز کے سربراہ ایمن غلام نے ایک پریس کانفرنس میں بتایا ’اس سال حج کے دوران مکہ اور مدینہ میں اوسط درجہ حرارت میں معمول سے ڈیڑھ سے دو ڈگری سینٹی گریڈ زیادہ اضافہ ریکارڈ کیا جائے گا۔‘محکمہ موسمیات کی جانب سے کی جانے والی پیش گوئی کے مطابق 25 فیصد نمی، بارش کے امکانات نہ ہونے کے برابر اور زیادہ سے زیادہ درجہ حرارت 44 ڈگری سینٹی گریڈ رہنے کا امکان ہے۔موسمیات کے سربراہ نے کہا ’درجہ حرارت میں اضافے کے ساتھ روزانہ کی کھپت کو پورا کرنے کے لیے پانی کی وافر مقدار کی ضرورت ہوگی۔