اوکاڑہ (پی پی آئی)اوکاڑہ میں گھر والوں سے پیسے بٹورنے کے لیے اغواء کا ڈرامہ کرنے والے یونیورسٹی کے طالب علم کو گرفتار کر لیا گیا اس حوالے سے ڈی پی او اوکاڑہ طارق عزیز نے بتایا کہ طالب علم نے گھر والوں سے رقم بٹورنے کے لیے اغواء کا ڈرامہ کیا۔ڈی پی او کے
مطابق طالب علم نے یونیورسٹی فیس جمع کرانے کے لیے رقم لی اور خرچ کر لی۔طارق عزیز نے کہا کہ طالب علم نے رقم ڈکیتی میں چھن جانے کا ڈرامہ کیا اور مقدمہ درج کرایا۔انہوں نے کہا کہ طالب علم کو لاہور سے پکڑنے کے بعد گھر والوں کے حوالے کر دیا گیا ہے۔