شکارپور پولیس نے مغوی نوجوان کو بازیاب کرالیا

شکارپور (پی پی آئی) شکارپور پولیس نے بدھ کے روز جہاں واہ کے علاقے سے ایک مغوی کو بازیاب کرالیا۔ایس ایس پی شکارپور آفس کی معلومات کے مطابق شکارپور پولیس کی خصوصی ٹیم نے جہاں واہ کے کچے کے علاقے سے مغوی کاشف دھاریجو کو بحفاظت بازیاب کرانے میں کامیابی حاصل کی۔ یہ بازیابی اس وقت عمل میں آئی جب مغوی شخص کی دستیابی کی خفیہ اطلاع پر چھاپہ مارا گیا۔پولیس نے دھاریجو کو اس وقت بازیاب کرایا جب اغوا کار اسے دوسرے ٹھکانے کی طرف لے جا رہے تھے۔ تاہم ڈاکو فرار ہونے میں کامیاب ہو گئے۔ یاد رہے کہ مغوی نوجوان ٹیلر ماسٹر ہے جسے تقریباً ایک ماہ قبل شہر گڑھی یاسین سے ا غوا کیا گیا تھا۔

Latest from Blog