ایس آئی ایف سی کی طرف سے اٹھائے گئے اقدامات کی عالمی سطح پر پذیرائی

کراچی)پی پی آئی)خصوصی سرمایہ کاری سہولت کونسل کی طرف سے اٹھائے گئے اقدامات کو عالمی سطح پر سراہا جا رہا ہے۔ کراچی میں چین، پاکستان اقتصادی راہداری کے دوسرے مرحلے اور خصوصی سرمایہ کاری سہولت کونسل کے بارے میں ایک خصوصی سیمینار کا انعقاد کیا گیا۔ سیمینار میں ملکی اور غیر ملکی تاجر برادری خصوصاً چین کے تاجروں نے شرکت کی اور سی پیک کے دوسرے مرحلے کے تناظر میں خصوصی سرمایہ کاری سہولت کونسل کے اقدامات کا خیرمقدم کیا۔ شرکاء   نے خصوصی سرمایہ کاری سہولت کونسل کو سول و فوجی قیادت کا عظیم کارنامہ قرار دیا۔ریاستی اداروں پر اعتماد کا اظہار کرتے ہوئے شرکاء   نے کہا کہ انہیں اْمید ہے کہ سی پیک کا دوسرا مرحلہ پاکستان کی معیشت کو مستحکم کرے گا۔

Latest from Blog