ایم کیوایم سندھ میں نفرت کی سیاست ختم کرے: سعید غنی

کراچی(پی پی آئی) وزیربلدیات سندھ سعید غنی نے کہا کہ ایم کیوایم سندھ میں نفرت کی سیاست ختم کرے، سیاسی ورکر زکی ٹارگٹ کلنگ کی مذمت کرتے ہیں۔ پی پی آئی کے مطابق کراچی میں پریس کانفرنس کرتے ہوئے وزیربلدیات سندھ سعید غنی نے کہا کہ ایم کیوایم کے دوستوں نے پریس کانفرنس کی، ہمیشہ کی طرح انہوں نے سندھ میں نفرت کی سیاست بڑھانے کی کوشش کی جس کا سبق ان کو ان کے بانی نے پڑھایا,سعید غنی نے کہا کہ کورنگی میں کونسلر کو کل قتل کیا گیا، سیاسی ورکر کی ٹارگٹ کلنگ کی مذمت کرتے ہیں اور قاتلوں کو انجام تک پہنچایا جائیگا، اگر کسی قوت نے ٹارگٹ کلنگ کا آغاز کیا ہے تو اس کو ناکام بنائیں گے، بدقسمتی سے ماضی میں اس شہر میں بہت کچھ ہوا ہے۔

Latest from Blog