کندھ کوٹ چیک پوسٹ پر حملہ،  بدنام ڈاکو مہیندربھیوہلاک، 2پولیس اہلکار شہید، 2 زخمی

کندھ کوٹ (پی پی آئی)سندھ کے شہر کندھ کوٹ میں چیک پوسٹ پر ملزمان نے حملہ کر کے 2 پولیس اہلکاروں کو شہید اور 2 کو زخمی کردیا جبکہ پولیس اور رینجرز کی جوابی کارروائی میں بدنام ڈاکو مہیندر بھیو مارا گیا۔پولیس کے مطابق کندھ کوٹ میں کچے کے علاقے میں ددڑ چیک پوسٹ پر ملزمان نے حملہ کردیا، جس کے نتیجے میں 2 پولیس اہلکار شہید جبکہ 2 زخمی ہوگئے۔پی پی آئی کے مطابق واقعہ صبح 6 بجے کے قریب پیش آیا، شہید اہلکاروں میں نثار احمد اور اللہ ڈنو سبزوئی جبکہ زخمیوں میں زاہد حسین نصیرانی اور محمد انور شامل ہیں۔پولیس اور رینجرز کی جوابی کارروائی میں بدنام ڈاکو مہیندربھیو مارا گیا۔پولیس کا کہنا تھا کہ ڈاکواغوا اور قتل کے واقعات میں مطلوب اور انعام یافتہ تھا۔

Latest from Blog