دنیا بھر میں 5اگست کو یوم استحصال کشمیر منایا جائے گا

سری نگر/مقبوضہ کشمیر(پی پی آئی)مقبوضہ جموں و کشمیر میں کل جماعتی حریت کانفرنس نے دنیا بھر میں مقیم کشمیریوں سے اپیل کی ہے کہ وہ 5 اگست کو ”یوم استحصال کشمیرمنائیں۔5اگست 2019کوبھارت کی ہندوتواحکومت نے دفعہ370کوجس کے تحت بین الاقوامی طور پر تسلیم شدہ متنازعہ علاقے کو خصوصی حیثیت حاصل تھی، منسوخ کر دیاتھا اورعلاقے کا فوجی محاصرہ کیاتھا۔کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر میں جاری ایک بیان میں لوگوں، دکانداروں، ٹرانسپورٹرز، وکلاء، علمائے کرام، ملازمین اوردنیا بھر میں مقیم کشمیریوں سے اپیل کی کہ وہ5اگست کو ”یوم استحصال کشمیر”کے طور پر منائیں۔