’فال آف ڈھاکہ پارٹ 2‘ شیخ حسینہ کی جلاوطنی پر پاکستانی ٹوئٹر صارفین کے تبصرے

بنگلادیشی وزیراعظم شیخ حسینہ واجد کے مستعفی ہو کر بھارت فرار ہونے اور بنگلہ دیشی آرمی چیف کی جانب سے عبوری حکومت بنانے کے اعلان کے بعد پاکستان میں اس نئی سیاسی صورتحال پر ٹوئٹر صارفین نے دلچسپ تبصرے اور اظہار خیال کررہے ہیں۔ ایکس پر مغیز علی نامی صارف نے لکھا کہ گولیاں سینے چھلنی نہ کر سکیں، طاقت عوام کے سر نہ کچل سکی، نوجوانوں کے دلوں میں آزادی کی آگ نے انقلاب کی نئی شمع جلا دی۔ایک اور صارف نے کہا کہ بالآخر پاکستانی سپورٹرز جیت گئے، اور بھارتی پپٹ شیخ حسینہ واجد ہار گئی۔صارفہ ثنا میر کہتی ہیں کہ حسینہ واجد  مستعفی ہوچکی ہیں جبکہ ایک صارف نے لکھا کہ بنگلا دیش میں شیخ حسینہ واجد نے حق مانگنے والے طلبہ کو رضا کار کا خطاب دیا، بنگلا دیش میں رضا کار کا مطلب وہ لوگ جنہوں نے 71 کی جنگ میں پاکستان کا ساتھ دیا تھا۔ صحافی اسد علی طور  نے کہا مزاحمت کے خلاف بنگلادیش نے تاریخ رقم کردی ہے۔صحافی علینہ شگری کہتی ہیں کہ بنگلادیش کے بانی شیخ مجیب الرحمان کا مجسمہ عوام نے توڑ دیا ہے۔وقار خان نامی صارف نے لکھا کہ بنگلادیش کا ظلے شاہ، اپنی جان دے کر قوم کو جگا گیا۔معروف صحافی فریحہ ادریس نے تبصرہ کرتے ہوئے لکھا کہ فال آف ڈھاکہ، پارٹ 2۔