پشاور میں پولیس وین کے قریب دھماکہ کے بعد سرچ آپریشن،مشتبہ افراد زیر حراست

پشاور(پی پی آئی)پشاور میں پولیس وین کے قریب دھماکا ہوا تاہم کسی جانی نقصان کی اطلاع موصول نہیں ہوئی۔پشاور کے علاقے ورسک روڈ پر پولیس وین معمول کے گشت پرتھی کہ اس دوران سڑک کنارے نصب آئی ای ڈی پھٹ گیا۔ایس ایس پی آپریشن نے بتایا کہ دھماکے سے پولیس وین کو نشانہ بنانے کی کوشش کی گئی تھی لیکن خوش قسمتی سے کوئی جانی نقصان نہیں ہوا۔پولیس نے بتایا کہ ایس پی ورسک محمد ارشد خان اور ڈی ایس پی ورسک ارباب نعیم حیدر موقع پر موجود تھے، دھماکے کے فوراً بعد بم ڈسپوزل اسکواڈ نے جائے وقوعہ سے شواہد اکھٹے کئے۔ علاقے میں سرچ آپریشن بھی کیا جا رہا ہے اورمشتبہ افراد کو حراست میں لئے جانے کی اطلاعات ہیں۔