کراچی(پی پی آئی)پاکستانی شوبز ستاروں نے بھی اولمپکس میں ارشد ندیم کی کامیابی پر خوشی کا اظہار کیا ہے۔اولمپکس کی 118سالہ تاریخ میں منفرد ریکارڈ قائم کرنے پر ارشد ندیم کی ناصرف قوم بلکہ سیاسی رہنماؤں کے ساتھ ساتھ شوبز ستارے بھی خوب دادو تحسین کر رہے ہیں۔پیرس اولمپکس میں ارشد ندیم کے گولڈ میڈل جیتنے پر شوبز ستاروں کی جانب سے سوشل میڈیا پر مبارکبادوں کے پیغامات بھجوائے جا رہے ہیں۔اداکارہ عائزہ خان اورہانیہ عامر نے تاریخ رقم کرنے پر ارشد ندیم کی تعریف کی، اداکار فہد مصطفیٰ اور سجل علی نے بھی انسٹا گرام کی سٹوری پر ارشد ندیم کو پاکستان کیلئے گولڈ میڈل حاصل کرنے پر سراہا۔اس کے علاوہ گلوکار عاصم اظہر اور اداکارہ مائرہ خان نے ارشد ندیم کو قوم کا ہیرو قرار دیا۔
Next Post
یومِ آزادی پر عام تعطیل، بنک،مالیاتی ادارے بھی بندرہیں گے
Fri Aug 9 , 2024
کراچی(پی پی آئی)حکومتِ پاکستان نے 14 اگست کو پاکستان کے یومِ آزادی کے موقع پر ملک بھرمیں عام تعطیل کا اعلان کیا ہے،اس موقع پر بنک اورتمام مالیاتی ادارے بھی بندرہیں گے۔اسٹیٹ بنک آف پاکستان کے اعلامیہ میں کہاگیاہے کہ بدھ 14 اگست کو تمام بنک اور مالیاتی ادارے بند رہیں گے۔