رواں سال ادویات کی برآمدات میں 3.90 فیصد،مقدار کے لحاظ سے 44 فیصد اضافہ

کراچی(پی پی آئی)ایس آئی ایف سی کی ایکسپورٹ فرینڈلی پالیسی کی بدولت مالی سال2023-24 ء کیدوران ملک سے ادویات کی برآمدات میں گزشتہ سال کی نسبت 3.90 فیصد کا اضافہ دیکھا گیاپاکستان ادارہ شماریات کیمطابق گزشتہ مالی سال کی 328 ملین ڈالرکی برآمدات کی نسبت رواں مالی سال کے دوران 341 ملین ڈالرکی ادویات کی برآمدات حوصلہ افزاء ہیں۔مقدار کے لحاظ سے بھی ادویات کی برآمدات میں 44 فیصد اضافہ ہوا جو کہ 59,00 میٹرک ٹن سے بڑھ کر 85,00 میٹرک ٹن ہو گیا سال بہ سال کی بنیاد پر جون 2024 ء کے مہینے میں دواسازی کے سامان کی برآمد گزشتہ سال کے اسی مہینے کے مقابلے میں تقریباً 33 فیصد سے زائد رہی پاکستان کے ادارہ شماریات کے اعداد و شمار کے مطابق جون 2024 ء میں ادویات کی برآمدات 29 ملین ڈالر ریکارڈ کی گئیں جبکہ جون 2023 ء میں 22 ملین ڈالر کی برآمدات تھیں