ملک میں موٹر سائیکلوں اور تھری وہیلرز کی فروخت میں اضافہ

کراچی(پی پی آئی)ملک میں موٹر سائیکلز اور تھری وہیلرز کی فروخت میں سالانہ بنیادوں پر اضافہ ریکارڈ کیا گیا ہے۔آل پاکستان آٹو مینوفیکچررز ایسوسی ایشن کے اعداد و شمار کے مطابق جولائی 2024ء میں ملک میں موٹر سائیکلز کے 82 ہزار 597 یونٹس کی فروخت ریکارڈ کی گئی جو گذشتہ سال جولائی کے مقابلہ میں 14 فیصد زیادہ ہے۔ اعداد و شمار کے مطابق جولائی 2024میں ملک میں 2 ہزار 396 یونٹس تھری وہیلرز کی فروخت ریکارڈ کی گئی جو گذشتہ سال جولائی کے مقابلہ میں 105 فیصد زیادہ ہے۔گذشتہ سال جولائی میں 1167 یونٹس تھری وہیلرز کی فروخت ریکارڈ کی گئی تھی۔