دفاعی چمپیئن کروزیرو نے مسلسل دوسری بار برازیل سیری اے جیت لیا

بیلوہوریزنٹے: کروزیرو نے مسلسل دوسری بار برازیلین سیری اے ٹائٹل جیت لیا۔برزیلی فٹ بال کلب کروزیرونے گویاس کو 1-2سے شکست دے کر اپنے ٹائٹل کا بھرپور دفاع کیا۔ کروزیروکی جانب سے ایورٹن روبرٹو نے پہلا گول داغا جس سے گویاس کے سیمو ئیل روسانے برابر کردیا تاہم ریکارڈو وگولارٹس کے گول نے کروزیروکی فتح کو یقینی بنادیا۔ کروزیرو نے برازیل سیری اے ٹائٹل مسلسل دو سری بات جیتا مجموعی طور 4مرتبہ کامیابی حاصل کرکے ریو جائینٹس واسکوڈی گاما کا ریکارڑ برابر کردیا ، برازیل کلب سینٹوزاور پلیمیراس 8،8بار یہ ٹائٹل جیت چکے ہیں ،ساﺅپاﺅلو6 جبکہ فلیمنگو اور کورینتھیاس نے پانچ پانچ دفعہ برازیل سیری اے جیتنے کا اعزاز حاصل کرچکے ہیں۔ کروزیروکے کھلاڑی ایورٹن روبیرو کا کہنا ہے کہ ہمارے لیے یہ جشن کاموقع ہے،ان کا کہنا تھا کہ میدان کھلاڑیوں کے لیے سازگار نہیں تھا لیکن ہماری ٹیم نے بہترین کارکدگی کامظاہری کیا اوراہم ٹائٹل جیت لیا۔