بجلی کی تقسیم کار کمپنیوں کی نجکاری کیلئے ٹیکنیکل اور فنانشل ایڈوائزر تعینات کرنے کا فیصلہ

اسلام آباد(پی پی آئی)بجلی کی تقسیم کار کمپنیوں کی نجکاری کیلئے ایڈوائزر تعینات کرنے کا فیصلہ کر لیا گیا۔معاشی ٹیم نے پلان وزیراعظم شہباز شریف کے ساتھ شیئر کر دیا جس کے مطابق بجلی کی تقسیم کار کمپنیوں کی نجکاری کیلئے ٹیکنیکل اور فنانشل ایڈوائزر آئندہ ماہ تعینات کئے جائیں گے۔پہلے فیز میں بجلی کی 3 تقسیم کار کمپنیوں آئیسکو، گیپکو اور فیسکو کی نجکاری کی جائے گی،، ایڈوائزر تقریباً ڈیڑھ سال اسیسمنٹ کریں گے،۔ نجکاری کا پہلا مرحلہ 2026 میں شروع کیا جائے گا، آئیسکو، گیپکو اور فیسکو کی مکمل پرائیویٹائزیشن آفر کی جائے گی، دوسرے مرحلے میں لیسکو، میپکو اور ہزارہ الیکٹرک کمپنی کی مکمل پرائیویٹائزیشن آفر کی جائے گی۔پیسکو، حسیکو اور سیپکو کو لانگ ٹرم کنسیشن ایگریمنٹ کے تحت دیا جائے گا جبکہ ٹیسکو اور کیسکو حکومت اپنے پاس رکھے گی، ٹیکنیکل ایڈوائزر پالیسی اور ریگولیٹری معاملات دیکھے گا، فنانشل ایڈوائزر تقسیم کار کمپنیوں کے مالی معاملات دیکھے گا۔