خواتین کو ٹکٹس نہ دینے کا کیس: مختلف سیاسی جماعتوں کے سربراہان طلب

اسلام آباد(پی پی آئی)عام انتخابات میں خواتین کو 5 فیصد ٹکٹس نہ دینے کے کیس میں الیکشن کمیشن نے مختلف سیاسی جماعتوں کے سربراہان کو نوٹس جاری کرتے ہوئے 4 ستمبر کو طلب کر لیا۔ پی پی آئی کے مطابق الیکشن کمیشن نے جماعت اسلامی اور عوامی نیشنل پارٹی سمیت 12 سیاسی جماعتوں کو نوٹس جاری کئے ہیں، تحریک لبیک کے سعد رضوی اور خرم نواز گنڈا پور کو بھی نوٹس جاری کردیئے گئے ہیں۔الیکشن ایکٹ کے سیکشن 206 پر عمل درآمد کیس کے حوالے سے نوٹس جاری کئے گئے ہیں، الیکشن کمیشن میں کیس کی سماعت 4 ستمبر کو ہو گی۔