مزیدظلم برداشت نہیں،  آئی پی پیز معاہدے ختم کئے جائیں:شکیل قاسمی

کراچی (پی پی آئی) جمعیت علمائے پاکستان کراچی کے جنرل سیکریٹری ملک محمدشکیل قاسمی نے تاجربرادری کو ہڑتال کی کامیابی پرمبارکباد پیش کرتے ہوئے کہاہے کہ تاجر برادری نے ثابت کردیاکہ اتحاد کی طاقت سے ہر ناممکن کو ممکن بنایاجاسکتاہے، کامیاب ملک گیرہڑتال مہنگی بجلی کے خلاف جدو جہد کااہم سنگ میل ثابت ہوگی۔ انہوں نے کہاکہ مہنگی ترین بجلی اور بے جاوناروااور ظالمانہ ٹیکسز کے خلاف پوری قوم یک زبان ہوچکی ہے،مزیدظلم برداشت نہیں کیاجائے گا، حکومت آئی پی پیز معاہدے فی الفور ختم کرے۔ یہ باتیں انہوں نے معروف تاجررہنماسیکریٹری جنرل آل کراچی جیولرزاینڈمینوفیکچررزایسوسی ایشن وچیئرمین لانڈھی کورنگی بزنس فورم وآل بابرمارکیٹ فرینڈزگروپ سیدراشدعلی شاہ،نوراحمدعباسی، نعیم الدین عباسی ودیگر سے ملاقات میں بات چیت کرتے ہوئے کہی