یوم دفاع باسکٹ بال بوائز نمائشی میچ میجر عزیز بھٹی الیون نے جیت لیا

کراچی (پی پی آئی)کراچی باسکٹ بال ایسوسی ایشن کے زیراہتمام یوم دفاع پاکستان باسکٹ بال ایونٹس 15 روزہ تقریبات کے سلسلے میں T.M.C صدر کے تعاون سے منعقد ہونے والے بوائز باسکٹ بال میچ میں میجر راجہ عزیز بھٹی شہید الیون نے لانس نائیک محمد محفوظ الیون نشان حیدر الیون کو 48-54 پوائنٹس سے شکست دیکر جیت لیا جبکہ ایک روزہ کوچنگ کورس میں 20 گرلز اور بوائز کھلاڑیوں نے شرکت کی ٹاؤن میونسپل صدر کے وائس چیئرمین عبدالرحمن موتی والا مہمان خصوصی تھے جنھوں نے انعامات تقسیم کئے، اس موقع پر میونسپل کمشنر نور حسن جوکھیو، ڈائریکٹر پارک محمد عاصم ڈائریکٹر اسپورٹس آصف عظیم، تقریبات کمیٹی کے چیئرمین غلام محمد خان اور دیگر شخصیات موجود تھیں،