بلوچستان بھر میں 7روزہ انسداد پولیو مہم شروع

کوئٹہ(پی پی آئی) بلوچستان بھر میں انسداد پولیو کی سات روزہ مہم پیر9 ستمبر سے شروع ہوگئی۔ایمر جنسی آپریشن سینٹر بلوچستان کے کوآرڈی نیٹر انعام الحق نے کہا ہے کہ مہم کے دوران26 لاکھ 55ہزار سے زائد بچوں کو پولیو سے بچاو کے قطرے پلائے جائیں گے۔انہوں نے والدین سے اپیل کی کہ صوبہ میں پولیو کیسز کی  تصدیق کی وجہ سے پولیو ٹیم کے ساتھ اپنے تعاون کو یقینی بنائیں پی پی آئی کے مطابق  بلوچستان میں تین سال کے بعد  پولیوکے12 کیسز چمن ڈیرہ بگٹی، قلعہ عبداللہ، کوئٹہ، جھل مگسی، ڑوب، قلعہ سیف اللہ اور خاران میں رپورٹ ہوئے ہیں۔