این اے 171 رحیم یارخان III کی خالی نشست پر ضمنی الیکشن کے لئے پولنگ آج ہوگی

رحیم یارخان(پی پی آئی)این اے 171 رحیم یارخان III میں تحریک انصاف کے رکن ممتاز مصطفی ایڈووکیٹ کے انتقال کے باعث خالی نشست پر ضمنی الیکشن کے لئے پولنگ 12 ستمبر کو ہوگی۔سات امیدوار الیکشن میں حصہ لے رہے ہیں  پیپلز پارٹی  کے مخدوم طاہر رشیدالدین  اور  تحریک انصاف کے حسان مصطفی ایڈووکیٹ  میں سخت مقابلہ ہے۔کل 5 لاکھ 26 ہزار 9 سو 73 ووٹرز اپنا حقِ رائے دہی استعمال کریں گے جن میں مرد ووٹرز 2لاکھ 88ہزار113 اور خواتین ووٹرز 2لاکھ 38ہزار 860 ہیں۔ پی پی آئی کے مطابق حلقہ میں  2700 پولیس افسران و اہلکار تعینات کئے گئے ہیں جبکہ پولنگ کے روز سی سی ٹی وی کیمروں سے مانیٹرنگ کی جائے گی۔ ایلیٹ فورس اور کیو آر ایف کے دستے بھی تعینات  کئے جائیں گے نیز ڈی پی او آفس میں مرکزی کنٹرول روم قائم کیا گیا ہے