نا قابل شکست پاکستانی باکسر عثمان وزیر کا 26ستمبر کو بھارتی حریف سے مقابلہ ہو گا

کراچی(پی پی آئی)پاکستان کے پروفیشنل باکسر عثمان وزیر نے اپنی اگلی انٹرنیشنل فائٹ کا اعلان کردیا ہے۔ مسلسل 13 فائٹس جیتنے والے عثمان وزیر کی اگلی فائٹ 26 ستمبر کو تھائی لینڈ میں بھارتی باکسر کمل دیپ کیساتھ ہوگی۔ پی پی آئی کے مطابق  عثمان وزیر نے اپنے کیریئر میں اب تک مسلسل 13 فائٹس جیتی ہیں اور وہ بھارت کے باکسر کے خلاف کامیابی کے ساتھ اپنی جیت کے سلسلے کو برقرار رکھنے میں پْرامید ہیں۔دوسری جانب بھارتی باکسر کمل دیپ جوروال بھی مسلسل 7 فائٹس سے ناقابلِ شکست ہیں۔عثمان وزیر کا ماننا ہے کہ یہ مقابلہ باکسنگ کے شائقین کیلیے ایک سنسنی خیز معرکہ ثابت ہوگا۔