صنم جاوید کے والد کی بازیابی کیلئے لاہور ہائیکورٹ میں درخواست دائر

لاہور(پی پی آئی) تحریک انصاف کی رہنما صنم جاوید کے والد کی بازیابی کی لیے لاہور ہائیکورٹ میں درخواست دائر کر دی گئی۔درخواست صنم کی والدہ روبینہ نے بیرسٹر خدیجہ کی وساطت سے دائر کی،  پی پی آئی کے مطابق مؤقف اپنایا گیاہے کہ کل رات پولیس اہلکاروں نے گھر ریڈ کی، صنم جاوید کے بارے میں دریافت کیا اوراس کے والد کو حراست میں لے لیادرخواست میں مزید کہا گیا کہ صنم کوجلسے کے پیش نظر ہراساں کرنے کی کوشش کی گئی، پولیس گزشتہ کئی دنوں سے صنم جاوید کے گھر ریڈ کر رہی ہے۔