تحریک انصاف کے کارکنوں اور پولیس میں جھڑپ‘ 20 سے زائد گرفتار

لاہور(پی پی آئی) لاہور کے علاقے گلبرگ میں تحریک انصاف کے کارکنوں اور پولیس کے درمیان جھڑپ اور ہوائی فائرنگ کے بعدکارکنوں کی جانب سے پولیس پر پتھرا وکی اطلاعات سامنے آئی ہیں۔پولیس کے مطابق تحریک انصاف کے مشتعل کارکنوں نے پولیس وین کو بھی نقصان پہنچایا.پولیس نے تحریک انصاف کے 20 سے زائد کارکنوں کو حراست میں لے لیا ہے گرفتار کئے گئے کارکنوں کو قیدی وین میں ڈال کر نامعلوم مقام پر منتقل کردیا گیا۔ پی پی آئی کے مطابق  پی ٹی آئی کارکنوں کے خلاف ہونے والے پولیس کریک ڈاون کے بعد مشتعل افراد نے منی مارکیٹ سڑک کو بند کر کے ٹائر نذر آتش کئے۔