انکم ٹیکس گوشوارے جمع کرانے کا سسٹم سست، گوشوارے جمع کرانے میں پریشانی

کراچی(پی پی آئی) انکم ٹیکس گوشوارے جمع کرانے کا سسٹم سست ہونے کے باعث ٹیکس ماہرین کو کلائنٹس کے گوشوارے جمع کرانے میں پریشانی کا سامنا ہے۔تفصیلات کے مطابق فیڈرل بورڈ آف ریونیوکا گوشوارے جمع کرانے کا سسٹم سست ہو گیا، جس کے باعث ٹیکس ماہرین کو کلائنٹس کے گوشوارے جمع کرانے میں پریشانی کا سامنا ہے۔ پی پی آئی کے مطابق ٹیکس بار نے  ایف بی آر کو صورتحال پر خط لکھ دیا، جس میں  کہا گیاہے کہ ریٹرن جمع کرانے کا سسٹم کئی کئی گھنٹوں تک گوشوارہ جمع نہیں کرتا۔چونکہ  ٹیکس گزار آخری تاریخوں میں گوشوارہ جمع کرانے کے لیے متحرک ہوتے ہیں، آخری تاریخوں میں بہت زیادہ ٹیکس ریٹرن جمع کرانے کی وجہ سے سسٹم سست ہو جاتا ہے۔