قوالی پر بنی پاکستانی دستاویزی فلم نے عالمی ایوارڈ جیت لیا

شکاگو (پی پی آئی) ویں شکاگو ساؤتھ ایشین فلم فیسٹیول میں پاکستانی میوزک ڈاکومینٹری فلم ’سانگز آف دی صوفی‘ نے بہترین ڈاکومینٹری آڈینس چوائس ایوارڈ جیت لیا۔اس ڈاکومینٹری میں قوال گھرانوں، شائقین، عقیدت مندوں اور میوزک اسکالرز کے ذریعے کلاسیکل قوالی کی کہانی بیان کی گئی ہے۔پی پی آئی کے مطابق  شکاگو ساؤتھ ایشین فلم فیسٹیول کے ڈائریکٹر جگر شاہ نے کہا کہ میں بہت خوش ہوں کہ اس ڈاکومینٹری نے ہمارے فیسٹیول میں کامیابی حاصل کی۔ڈاکو مینٹری کے ہدایت کار شاہ رخ وحید  اورپروڈیوسر کامران انور کا کہنا تھا کہ ہم ججوں اور ناظرین کا شکریہ ادا کرتے ہیں جنہوں نے اس فلم کوسراہاہے۔