لاہور کے بعد اوکاڑہ سے ڈرون کے ذریعے انڈیا منشیات سپلائی کرنے والا گینگ گرفتار

اوکاڑہ(پی پی آئی) اوکاڑہ  پولیس نے دعویٰ کیا ہے کہ دو روز سے جاری کارروائیوں  میں چار رکنی گینگ کو گرفتار کیا گیا ہے جو انڈیا میں ڈرون کے ذریعے منشیات کی سپلائی میں ملوث ہے۔پولیس کے مطابق منڈی احمد آباد اور حویلی لکھا کے علاقوں میں مخبری کی بنیاد پر آپریشن کیا گیا۔پی پی آئی کے مطابق  آپریشن کے دوران چار ملزمان گرفتار ہوئے جن کے قبضے سے  10 کلو سے زائد ہیروئین   اور ڈرونز بھی برآمد کیے گئے  ہیں جن کی مدد سے وہ انڈیا میں منشیات سپلائی کرتے تھے۔