پاکستان سمیت دنیا بھر میں امراض قلب کی آگاہی کا عالمی دن آج منایا جائے گا

کراچی (پی پی آئی)پاکستان سمیت دنیا بھر میں اتوار29ستمبر کو امراض قلب کی آگاہی کا عالمی دن منایا جائے گا اس دن کی مناسبت سے ورک شاپ، سیمینار ٓور واک کا اہتمام کیا جائے گا۔پی پی آئی کے مطابق ماہر صحت ڈاکٹر شاہد سمیع کا کہنا ہے کہ دل کے امراض کی وجوہات میں کولیسٹرول کا بڑھنا، ہائی بلڈ پریشر، موٹاپا‘ تمباکو نوشی، ذیابیطس، مضر صحت خوراک اور غیر متحرک طرز زندگی شامل ہیں۔۔ انہوں نے کہا کہ روزانہ 30منٹ کی ورزش‘ چہل قدمی‘ ذہنی دباؤ سے بچاؤ‘ تمباکو نوشی ترک‘ پھلوں سبزیوں کا استعمال مفید ثابت ہو سکتے ہیں۔