مشرق وسطیٰ میں کشیدگی کے باعث خام تیل کی قیمتیں بڑھ گئیں

کراچی (پی پی آئی)عالمی منڈی میں خام تیل کی قمیتوں میں اضافہ ہوگیا۔ مشرق وسطیٰ میں بڑھتی ہوئی کشیدگی کے باعث عالمی منڈی میں خام تیل کی قیمتوں میں اضافہ ریکارڈ کیا گیا ہے۔برینٹ کروڈ فیوچر 1.02 ڈالر یا 1.38 فیصد اضافے کے بعد 74.92 ڈالر فی بیرل کی سطح پر پہنچ گیا ہے۔یو ایس ویسٹ ٹیکساس انٹرمیڈیٹ کے سودے 1.10 ڈالر یا 1.57 فیصد اضافے کے باعث 71.20 ڈالر میں طے پائے۔پی پی آئی کے مطابق عالمی منڈی میں بڑھتی قیمتوں کے پیش نظر پاکستان میں بھی نرخوں میں اضافہ کا خدشہ ہے