شکارپور کے قریب بدعنوان عناصر کے خلاف کارروائی  مین ایس ایچ او شہید

شکارپور)پی پی آئی) شکارپور کے کچے علاقے میں بدعنوان عناصر کے خلاف پولیس کی کارروائی کے دوران ایک ایس ایچ او شہید ہو گئے۔بچل بھیو پولیس اسٹیشن کے ایس ایچ او سہراب علی اوڈھو اُس وقت شدید زخمی ہوئے جب اُن کی ٹیم ڈاکوؤں کو پکڑنے کی کوشش کر رہی تھی اور اُن پر فائرنگ کی گئی۔ اُنہیں سر میں گولی لگی، جس کے بعد وہ سکھر کے ہسپتال میں زخموں کی تاب نہ لاتے ہوئے چل بسے۔اوڈھو علاقے میں مجرمانہ گروہوں کے خلاف کارروائی کی قیادت کر رہے تھے۔ سینئر سپرنٹنڈنٹ آف پولیس شکارپور شاہزیب چاچڑ نے بتایا کے شہید افسر کی نماز جنازہ بدھ کی شام شکارپور پولیس ہیڈکوارٹرز میں ادا کی گئی، جس کے بعد اُن کی میت کو ان کے آبائی علاقے، جیکب آباد بھیج دیا گیا۔ ایس ایس پی  نے علاقے میں مجرمانہ عناصر کے خلاف کارروائیاں جاری رکھنے کا عزم کیا اور اوڈھو کے خاندان کے لیے حمایت کا یقین دلایا۔