وزیرخزانہ کا ٹیکس فراڈکی روک تھام کے عزم کا اظہار

کراچی(پی پی آئی) وزیر خزانہ محمد اورنگزیب نے ٹیکس فراڈ کی روک تھام کا عزم ظاہرکیا ہے۔انہوں نے آج(جمعرات) اسلام آباد میں ایک نیوز کانفرنس سے خطاب کرتے ہوئے کہا کہ ہمارا مقصد ٹیکس کو مجموعی ملکی پیداوار کے تیرہ فیصد تک لانا اور یکساں اور منصفانہ ٹیکس نظام یقینی بنانا ہے۔انہوں نے کہا کہ معیشت کی بہتری کے لئے ہر شعبے کو اپنا کردار ادا کرنا چاہئے۔وزیر خزانہ نے کہا کہ ہمارے پاس اور کوئی آپشن نہیں اور سب کو ٹیکس دینا ہوگا۔