کراچی(پی پی آئی)اطالوی ایئر کرافٹ کیریئر کی کراچی بندر گاہ آمد ہوئی ہے۔ ایئر کرافٹ کیریئر آئی ٹی ایس کیوور(ITS CAVOUR) اور فریگٹ آئی ٹی ایس الپینو(ITS ALPINO) پر مشتمل اطالوی نیوی کا کیریئر اسٹرائیک گروپ (CSG) تین روزہ دورے پر کراچی پہنچ گیا۔ دورے کے اختتام پر دونوں ممالک کی بحریہ کے مابین دو طرفہ مشق کا بھی انعقاد کیا جائے گا۔پاک بحریہ کے اعلیٰ حکام اور اطالوی سفیر نے جہازوں کا پرتپاک استقبال کیا۔ پی پی آئی کے مطابق اطالوی سفیر ماریلینا آرمیلن نے اطالوی ڈیفنس جنرل سٹاف کے کیپبلیٹی ڈائریکٹر ریئر ایڈمرل سٹیفانو باربیری کے ہمراہ کمانڈر پاکستان فلیٹ ریئر ایڈمرل عبدالمنیب سے ملاقات کی۔کمانڈر کراچی، وائس ایڈمرل محمد فیصل عباسی نے بھی آئی ٹی ایس کیوور(ITS CAVOUR) کا دورہ کیا اور انہیں کمانڈنگ آفیسر کی جانب سے ایئر کرافٹ کیریئر کی صلاحیتوں کے بارے میں آگاہ کیا گیا۔ آئی ٹی ایس الپینو(ITS ALPINO) پر اٹلی کی دفاعی صنعتی صلاحیتوں کی نمائش کا انعقاد بھی کیا گیا۔ آئی ٹی ایس کیوور (ITS CAVOUR) پر میڈیا بریفنگ کا انعقاد کیا گیا۔ میڈیا بریفنگ کے دوران اطالوی سفیر، کیرئیر سٹرائیک گروپ کے کمانڈر اور جنرل سٹاف کے کیپبلٹی ڈائریکٹر نے علاقائی میری ٹائم سیکیورٹی میں پاک بحریہ کے کردار کو سراہا اور دونوں ممالک کی بحریہ کے مابین باہمی تعاون کی اہمیت کو اجاگر کیا۔
Next Post
تحریک انصاف کا ڈالر مافیا سے بچنا انتہائی ضروری ہے، فواد چوہدری
Tue Oct 15 , 2024
اسلام آباد (پی پی آئی) سابق وفاقی وزیر فواد چوہدری کا کہنا ہے کہ تحریک انصاف کا ڈالر مافیا سے بچنا انتہائی ضروری ہے۔ اپنے ایک بیان میں انہوں نے کہا کہ میں نے ہمیشہ تحریک انصاف کے دوستوں سے گزارش کی ہے کہ بعض یو ٹیوبر پاکستان دشمنوں کی ایما پر پاکستان اور فوج کے خلاف مہم بازی کرتے […]