آج اچھی اور مثبت خبروں کا دن ہے: عرفان صدیقی

اسلام آباد(پی پی آئی)مسلم لیگ ن کے سینیٹر عرفان صدیقی کا کہنا ہے کہ آج اچھی اور مثبت خبروں کا دن ہے،آئینی ترامیم پر کافی حد تک کام ہو گیا صرف پھونک مارنی باقی ہے۔ پارلیمانی خصوصی کمیٹی کے اجلاس سے باہر آ کر میڈیا سے گفتگو کرتے ہوئے شیری رحمٰن نے کہا کہ پی ٹی آئی کی جے یو آئی سے ملاقات ہو گی، جے یو آئی اور پیپلز پارٹی میں اتفاق ہو چکا ہے۔ پی پی آئی کے مطابق  پارلیمانی خصوصی کمیٹی کا اجلاس خورشید شاہ کی صدارت ہوا تھا۔ اجلاس میں آئینی ترامیم پر 6 جماعتوں کے مسودے کو حتمی شکل دی گئی۔وزیرِ قانون اعظم نذیر تارڑ، شیری رحمٰن اور اے این پی کے ایمل ولی اجلاس میں شریک تھے.