وزیر خزانہ محمد اورنگزیب کی ڈیجیٹل کوآپریشن آرگنائزیشن کی سیکرٹری جنرل دیمہ ال یحییٰ سے ملاقات

 اسلام آباد (پی پی آئی)وزیر خزانہ محمد اورنگزیب نے واشنگٹن میں ڈیجیٹل کوآپریشن آرگنائزیشن کی سیکرٹری جنرل محترمہ دیمہ ال یحییٰ سے ملاقات کی۔واشنگٹن ڈی سی سے ہفتہ کو یہاں موصول ہونے والی ایک پریس ریلیز میں کہا گیا ہے کہ ملاقات کے دوران وزیر نے پاکستان میں انفارمیشن اور کمپیوٹر ٹیکنالوجی کے شعبے میں موجود بے پناہ صلاحیتوں کو اجاگر کیا۔انہوں نے کہا کہ حکومت نظم و نسق، شہریوں کے معیار زندگی اور معاشی بہبود کو بہتر بنانے کے لیے ایک جامع ڈیجیٹل ماحولیاتی نظام میں سرمایہ کاری کر رہی ہے۔وزیر خزانہ نے ڈیجیٹل انفراسٹرکچر، ڈیجیٹل معیشت، ڈیجیٹل غیر ملکی براہ راست سرمایہ کاری (FDI)، ڈیجیٹل مہارتوں اور ڈیجیٹل گورننس کے شعبوں میں تعاون پر بھی زور دیا۔