بلوچ یکجہتی کمیٹی کی احتجاج کی کال کو مسترد

کوئٹہ (پی پی آئی) بلوچستان کے عوام نے بلوچ یکجہتی کمیٹی کی جانب سے احتجاج کی کال کو مسترد کر دیا ہے۔رواں ماہ کی 20 تاریخ کو کراچی سے شروع ہونے والے احتجاج کو خضدار، تربت اور پنجگور کے عوام نے یکسر مسترد کر دیا۔ مہرنگ بلوچ اور سمیع دین جیسے انسانی حقوق کے نام نہاد رہنما بلوچستان کے بہادر عوام کے سامنے پوری طرح بے نقاب ہو چکے ہیں اور اس حقیقت کی گواہی ان کے احتجاج کی ناکامی سے ملتی ہے۔گزشتہ ہفتے کوئٹہ میں ہونے والے احتجاج میں صرف 250 کے قریب افراد نے شرکت کی۔ یہ صورتحال اس بات کا ثبوت ہے کہ لوگ اب بلوچ یکجہتی کمیٹی کے جھوٹے دعوؤں سے تنگ آچکے ہیں اور ایسی آوازوں پر کان دھرنے کو تیار نہیں۔