سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

مظفرآباد/آزاد کشمیر(پی پی آئی)صدر ریاست آزاد جموں وکشمیر بیرسٹر سلطان محمود چوہدری نے کہا ہے کہ برطانیہ میں مقیم کشمیریوں نے مسئلہ کشمیر کوبرطانوی پارلیمنٹ سے لے کر دیگر فورمز پر بھرپور انداز میں اْجاگر کیا ہے جس پر وہ مبارکباد کے مستحق ہیں کیونکہ برطانیہ اقوام متحدہ کی سلامتی کونسل کا مستقل رکن ہے۔ بھارت مقبوضہ جموں وکشمیر میں انسانی حقوق کی بد ترین خلاف ورزیاں کر رہا ہے اور قابض بھارتی افواج کے ہاتھوں بے گناہ کشمیریوں کا قتل عام شروع کر رکھا ہے۔بھارت نے مقبوضہ جموں وکشمیر میں ظلم و بربریت میں اضافہ کر دیا ہے۔ بھارت نے کشمیریوں کے حقوق سلب کر رکھے ہیں اْن کا بنیادی حق آزادی کی فضا میں سانس لینا اپنے زور بازو اْن سے چھینا ہوا ہے۔ ایسے وقت میں برطانیہ میں مقیم کشمیری مسئلہ کشمیر کے حل اور مقبوضہ کشمیر میں جاری بھارتی مظالم کو انٹرنیشنل کمیونٹی کے سامنے آشکار کریں۔صدارتی سیکرٹریٹ،ایوان صدر،کشمیر ہاؤس،اسلام آباد کے مطابق ان خیالات کا اظہار انہوں نے سابق میئر والتھم سٹو شوکت علی سے تفصیلی ملاقات میں کیا۔ اس موقع پر کونسلر لیاقت علی، کونسلر بیرسٹر عثمان علی اور دیگر بھی موجود تھے۔