پنجاب حکومت کی وزیراعلی ڈائیلاسزپروگرام کارڈکی منظوری

سرینگر (پی پی آئی)پنجاب حکومت نے وزیراعلیٰ ڈائیلاسز پروگرام کارڈ کی منظوری دے دی ہے۔آج(منگل) لاہور میں ایک اجلاس کی صدارت کرتے ہوئے وزیر اعلیٰ مریم نواز نے ڈائیلاسز کے مریضوں کے لیے فنڈز میں ایک لاکھ روپے تک کا اضافہ کیا۔انہوں نے گردے کے ہر مریض کے ڈائیلاسز کے عمل کو ہر صورت جاری رکھنے کی ہدایت کی۔انہوں نے کہا کہ فنڈز کی کمی کی وجہ سے ڈائیلاسز کے عمل کو روکنا ناقابل قبول ہے۔وزیراعلیٰ نے پنجاب ہیلتھ کیئر کمیشن کو ہدایت کی کہ ڈائیلاسز سینٹرز کے لئے طے شدہ معیاری آپریٹنگ طریقہ کار پر عملدرآمد کو یقینی بنایا جائے۔