پیپلزپارٹی خدمت کی سیاست پریقین رکھتی ہے،گورنرپنجاب

ٹوبہ ٹیک سنگھ(پی پی آ ئی)گورنرپنجاب سردار سلیم حید رنے کہا ہے کہ پیپلزپارٹی خدمت کی سیاست پر یقین رکھتی ہے،عوام نے مار دھاڑ کی سیاست کو مسترد کردیا ہے۔ٹوبہ ٹیک سنگھ میں پیپلزپارٹی کییوم تاسیس کے موقع پرتقریب سے خطاب کرتے ہوئے کہا سردار سلیم حیدر خان نے کہا کہ پیپلزپارٹی پرلوگوں کا اعتماد بڑھ رہا ہے جس کی وجہ سے پارٹی میں بڑی تعدادمیں لوگ شمولیت اختیارکررہے ہیں۔گورنرپنجاب نے وفاقی دارلحکومت اسلام آباد پرپی ٹی آئی کے یلغار کی مذمت بھی کی۔انہوں نے شرپسندوں کے حملوں میں رینجرز اور پولیس اہلکاروں کی شر پسندوں کے ہاتھوں ہلاکت پرافسوس کا بھی اظہارکیا۔