کراچی (پی پی آئی) کونسل آف پاکستان نیوز پیپر ایڈیٹرز(سی پی این ای) نے پیکا ایکٹ 2016 میں نئی ترامیم اورمجوزہ طور پرایک ادارے ڈیجیٹل رائٹس پروٹیکشن اتھارٹی (ڈی آر پی اے) کے قیام سے متعلق خبروں پرتحفظات کا اظہار کرتے ہوئے حکومت سے مطالبہ کیا ہے کہ وہ میڈیا کے حوالے سے کوئی بھی قانون سازی کرتے وقت سی پی این ای سمیت تمام اسٹیک ہولڈرز کو اعتماد میں لے اور ان کی مشاورت ہی سے تمام فیصلے کیے جائیں۔ سی پی این ای نے ایک بیان میں کہا کہ بے شک قانون سازی پارلیمانی اداروں کا حق ہے لیکن قانون سازی کے عمل میں متعلقہ اداروں کی رائے لینا جمہوریت کا اولین تقاضہ ہے۔سی پی این ای نے مزید کہا کہ ہمیں امید ہے کہ عوام کے ووٹ سے منتخب موجودہ حکومت میڈیاسے متعلق تمام فیصلے اسٹیک ہولڈرز کو آن بورڈ لے کرہی کرے گی۔
Next Post
بانی پی ٹی آئی کا پیغام ہے ہم ڈٹے رہیں گے،اپنا حق لے کر رہیں گے' مسرت جمشید چیمہ
Sat Dec 7 , 2024
لاہور(پی پی آئی)پاکستان تحریک انصاف کی سینئر رہنما مسرت جمشید چیمہ نے کہا ہے کہ بانی پی ٹی آئی کا پیغام ہے کہ ہم ڈٹے رہیں گے اوراپنا حق لے کر رہیں گے،بانی پی ٹی آئی نے کہا ہے کہ ہمت نہیں ہاری،بانی پی ٹی آئی رہا ہو کر کارکنوں کی قربانی کا صلہ دیں گے،پہلے حکومت دیدہ دلیری کا […]