راولپنڈی(پی پی آئی) سوار محمد حسین شہید نشان حیدر کے 53 ویں یوم شہادت پر چیئرمین جوائنٹ چیفس آف سٹاف کمیٹی، تینوں سروسز چیف اور افواج پاکستان نے بھرپور خراج عقیدت پیش کیا ہے۔ پاک فوج کے شعبہ تعلقات عامہ سے جاری پیغام میں کہا گیا ہے کہ پاکستان کی مسلح افواج سوار محمد حسین شہید کو بے مثال جرات و بہادری پر خراج عقیدت پیش کرتی ہیں۔ 1971 میں پاک بھارت جنگ کے دوران ظفروال شکرگڑھ سیکٹر میں سوار محمد حسین شہید نے فرض کی ادائیگی کے دوران غیر معمولی اور بے مثال جرات کا مظاہرہ کیا،سوار محمد حسین نے دشمن کے ٹینکس کی نشاندہی اور ریکوائیلس رائفلز کے عملے کو ہدایات دے کر 16 ٹینکس کو تباہ کرنے میں مدد کی۔ آئی ایس پی آر کے مطابق بہادری کے مظاہرے کے دوران دشمن کی مشین گن کی گولی سوار محمد حسین کے سینے پر لگی،سینے پر دشمن کا وار سہنے والے سوار محمد حسین نے اپنی جان ملک کے لئے قربان کر دی،سووار محمد حسین شہید کی برسی پاکستان کی مسلح افواج مادر وطن کی خودمختاری اور وقار کے تحفظ کے لیے غیر متزلزل قربانیوں کے عہد کا مظہر ہے۔ آئی ایس پی آر نے اپنے پیغام میں کہا ہے کہ آئیں قومی ہیروز کی قربانیوں کو خراج تحسین پیش کریں اور ان کے جذبے سے رہنمائی حاصل کریں،قومی ہیروز کی بہادری اور قوم سے وفاداری ہمارے لیے ہمیشہ فخر کا باعث رہے گی، پوری قوم بہادر سپوتوں کو سلام پیش کرتی ہے جنہوں نے پاکستان کے دفاع کے لئے جانیں نچھاور کیں۔
Next Post
ہرنائی میں بجلی چوروں کے خلاف کریک ڈاؤن شروع،غیر قانونی کنکشن منقطع
Tue Dec 10 , 2024
ہرنائی (پی پی آئی): صوبہ بلوچستان کے علاقے ہرنائی میں منگل کو بجلی چوروں کے خلاف کریک ڈاؤن شروع کر دیا گیا۔ تفصیلات کے مطابق واپڈا ہرنائی کے عملے نے ایس ڈی او ہرنائی کی زیر نگرانی ہرنائی میں بجلی چوری کی روک تھام کے لیے ضلعی پولیس کے ساتھ مل کر آپریشن کیا۔ مہم کے دوران متعدد غیر قانونی […]