حد نگاہ کم ہونے پر موٹر ویز متعدد مقامات سے بند، مسافروں کو شدید مشکلات

اسلام آباد 13جنوری(پی پی آئی) ملک کے مختلف شہروں میں دھند ہی دھند کا راج رہا، حد نگاہ کم ہونے پر موٹر ویز متعدد مقامات سے بند کر دی گئی جس سے مسافروں کو شدید مشکلات کا سامنا کرنا پڑا۔موٹروے ایم3 لاہور سے رجانہ تک ٹریفک کیلئے بند کی گئی، ایم 4پر شور کوٹ سے ملتان تک داخلہ ممنوع قراردیا گیا، موٹروے ایم 5پر بھی ملتان سے روہڑی تک انٹری بند کر دی گئی، قومی شاہراہوں پر حد نگاہ کم ہونے پر ٹریفک کی روانی شدید متاثر ہوئی۔۔